Хурлын огноо: 2025 оны 10-р сарын 3-наас 4-ний өдрүүдэд

Байршил: Даланзадгад хот, Өмнөговь аймаг

Хурлын зорилго:Энэхүү хурал нь Монгол орны хуурай, гандуу бүс нутагт тулгамдаж буй газрын доройтол, цөлжилт, уур амьсгалын өөрчлөлт, усны нөөцийн асуудлуудыг шийдвэрлэхэд чиглэсэн шинжлэх ухааны мэдлэг, практик туршлагыг харилцан хуваалцах, нийтэд таниулах болон орон нутагт нэвтрүүлэхэд мэдлэг, мэдээлэл болон чадавхын гүүр болох зорилготой. Үүнтэй зэрэгцэн НҮБ-ын Цөлжилттэй тэмцэх конвенцын (UNCCD) COP17-ийн зорилтуудтай нийцүүлэн Монгол орны үүрэг, хувь нэмрийг тодотгож, олон улсын хамтын хүчин чармайлтад хувь нэмэр оруулахыг зорьж байна.

Хурал дараах чиглэлд төвлөрнө:

• Ган, газрын доройтол, цөлжилт зэрэг тулгамдсан асуудлыг даван туулах боломжит шийдэл, туршлагыг хэлэлцэх;
• Усны нөөцийн тогтвортой менежмент, хамгаалал, нөхөн сэргээлтэд суурилсан шинэлэг арга барилыг тодорхойлох;
• Цөлжилттэй тэмцэх инновац, технологи, шинэлэг шийдэл, хэрэглээг танилцуулах;
• Бүс нутгийн болон олон улсын хамтын ажиллагааны шинэ боломжийг нээж, түншлэлийг өргөжүүлэх, олон талт хамтын ажиллагааг бэхжүүлэх;
• COP17-ийн хүрээнд дэвшүүлсэн санаачлага, зорилтуудтай уялдуулан шинжлэх ухаанд суурилсан шийдэл, олон талт хамтын ажиллагааг түгээн дэлгэрүүлэх.

Хэлэлцэх үндсэн сэдвүүд:

• 1. Цөлжилт, газрын доройтол ба UNCCD COP17
• 2. Хууль эрх зүйн орчин, бодлого, төр, хувийн хэвшлийн түншлэл
• 3. Усны нөөцийн тогтвортой ашиглалт, хамгаалал
• 4. Нөхөн сэргээлт, технологи, инновац
• 5. Бэлчээрийн тогтвортой менежмент ба гандуу бүс нутаг
• 6. Уур амьсгалын өөрчлөлтөд дасан зохицох шийдлүүд

Эдгээр сэдвээр илтгэл танилцуулж, хэлэлцүүлэг өрнүүлэх замаар бүс нутгийн болон олон улсын эрдэмтэн судлаачдын мэдлэг, туршлагыг нэгтгэн, цөлжилттэй тэмцэхэд бодитой, хэрэгжихүйц шийдлүүдийг хамтдаа эрэлхийлэхийг зорьж байна.

ЭРДЭМ ШИНЖИЛГЭЭНИЙ БҮТЭЭЛ ХҮЛЭЭН АВАХ:

Бид илтгэлийн хураангуйгаа ирүүлсэн бүх эрдэмтэн, судлаачдыг эрдэм шинжилгээний бүтээлээ бүрэн эхээр (full paper) нь ирүүлэхийг урьж байна.

Шалгарсан бүтээлийг ШУА-ийн Газарзүй-Геоэкологийн хүрээлэнгийн “Монгол Орны Газарзүй-Геоэкологи” эрдэм шинжилгээний сэтгүүлийн тусгай дугаарт нийтлэх болно.

Эрдэм шинжилгээний бүтээлээ бүрэн эхээр (full paper) нь дээрх сэтгүүлийн бүтээл хүлээн авах журмын дагуу бичиж ирүүлнэ. Энэхүү журмыг дараах холбоосоор орж үзнэ үү: http://mjgg.igg.ac.mn/juram

ХОЛБОО БАРИХ:

Илтгэлийн хураангуйтай холбоотой асуух зүйл байвал доорх хаягаар холбогдоно уу:

Имэйл: [email protected]

Утас: 88666589; 88778546; 89661437

ACCEPTING FULL PAPER

We invite all the participants who have submitted the abstracts of their presentations to submit their full papers.

Selected papers will be published in a “Special issue” of the scientific journal "Geography-Geoecology of Mongolia" of the Institute of Geography-Geoecology of the Mongolian Academy of Sciences.

Submit your full paper according to the manuscript submission guidelines of the above journal. Please visit the following link: http://mjgg.igg.ac.mn/juram

CONTACT INFORMATION

If you have any questions regarding the presentation abstract, please contact us under the following e-mail address:

Email: [email protected]

Phone: 88666589; 88778546; 89661437